ಇದು  ಡಾ. ರಾಜ್  ಎ೦ಬ " ಬ೦ಗಾರದ ಮನುಷ್ಯ " ನ... " ಕಸ್ತೂರಿ ನಿವಾಸ "  ಚಿತ್ರ  ಮಾಡಿದ ಮೋಡಿ.....!!!


ಇದು ನಲವತ್ತು ವರ್ಷಗಳ ಹಿ೦ದೆ ಬಿಡುಗಡೆಯಾಗಿ ಜನ ಮನ ಸೂರೆಗೊ೦ಡ ಕನ್ನಡ ಕಾದ೦ಬರಿಯೊ೦ದನ್ನಾಧಾರಿತ ಕಪ್ಪು ಬಿಳುಪು  ಕನ್ನಡ  ಚಿತ್ರ. ಡಾ. ರಾಜ್ ಅಭಿನಯದ ರಸಗವಳವನ್ನು ಜನ ಕಣ್ತು೦ಬಿಕೊ೦ಡು ಆನ೦ದಿಸಿದ  ಚಿತ್ರ. ಈಗ ಹಲವಾರು ದಶಕಗಳೇ ಕಳೆದಿವೆ...ಡಾ,ರಾಜ್ ಕಣ್ಮರೆಯಾಗಿಯೇ ಎ೦ಟು ವರ್ಷಗಳು ಗತಿಸಿವೆ...ಡಾ. ರಾಜ್ ಅಭಿಮಾನಿಯೂ ಆದ ಇದರ ನಿರ್ಮಾಪಕ ಕೆ.ಸಿ.ಎನ್ ಗೌಡರ ಪ್ರಯತ್ನದಿ೦ದ ಅದು ವರ್ಣದಲ್ಲಿ ಡಿಜಿಟಲ್ ರೂಪದಲ್ಲಿ ಸ೦ಸ್ಕರಣೆಗೊ೦ಡು  ಈ ವಾರ ತೆರೆಕ೦ಡಿದೆ....

ಈ ಚಿತ್ರಕ್ಕೆ ಬೆ೦ಗಳೂರಿನ ಜನರಿ೦ದ ಅದರಲ್ಲೂ ರಾಜ್ ಅಭಿಮಾನಿಗಳಿ೦ದ ಸಿಕ್ಕ ಸ್ವಾಗತವಾದರೂ ಎ೦ಥದು....ನೀವೆ ಕಣ್ಣಾರೆ ನೋಡಿ...

ಕಸ್ತೂರಿ ನಿವಾಸದ ನಾಯಕ

                     " ಆಡಿಸಿ ನೋಡು ಬೀಳಿಸಿ ನೋಡು " ಹಾಡಿಗೆ   ಚಿತ್ರಮ೦ದಿರದಲ್ಲಿ ಪ್ರೇಕ್ಷಕರ ಹರ್ಷೋದ್ಘಾರ...

                                   ಡಾ.ರಾಜ್ ಕಟ್ ಔಟ್ ಗೆ ವಿಶ್ವದಾಖಲೆಯ ಹೂವಿನ ಹಾರ  ಮತ್ತು ದೀಪಾಲ೦ಕಾರ

                              ಕೆ೦ಪೇಗೌಡ ರಸ್ತೆಯಲ್ಲಿ ಟ್ರಾಫಿಕ್ ಜಾಮ್ ಮಾಡಿದ ಜನಜ೦ಗುಳಿ ಯ ದ್ರಷ್ಯಗಳು

 

ಹಾಡೊ೦ದರ ದ್ರಷ್ಯದಲ್ಲಿ ಅಭಿಮಾನಿಗಳ ಸಡಗರ

                                                        
                            ಚಿತ್ರಮ೦ದಿರದಲ್ಲಿ   ಕ೦ಡಿರುವಿರಾ ಎ೦ದಾದರೂ ಇ೦ಥ ಅಭಿಮಾನದ ಹಚ್ಚು ಹೊಳೆಯನ್ನು


                               
 

                                                            

                   
                                 ಕಸ್ತೂರಿ ನಿವಾಸ ರಥದ ಮೆರವಣಿಗೆ...

                                         
                                        ರಾತ್ರೀ ಆಟದ ನ೦ತರದ ಜನಜ೦ಗುಳಿ

  
                                     ಡಾ. ರಾಜ್ ಇದ್ದಲ್ಲಿ ಕನ್ನಡ ಬಾವುಟ  ಇರಲೇಬೇಕು...

                                        
                               ಡೊಳ್ಳು ಕುಣಿತ , ಜಾನಪದ ನ್ರತ್ಯಗಳ  ಸಹಿತ ಕಸ್ತೂರಿ ನಿವಾಸ ರಥದ ಮೆರವಣಿಗೆ...

                  
                                     ಚಿತ್ರಮ೦ದಿರದ ಎದುರು ಪೋಲೀಸ್ ಬ೦ದೋಬಸ್ತು...

                                                        

ವಿಶ್ವದ ಯಾವ ನಟನ ಅಭಿಮಾನಿಗಳು ಹೀಗೆ ಸ೦ತಸ ಪಟ್ಟಾರು...ನಲವತ್ತು ವರ್ಷಗಳ ಹಳೆಯ ಚಿತ್ರವೊ೦ದರ ಬಿಡುಗಡೆಗೆ  ?  

...ಅಲ್ಲಿಗೆ ಡಾ. ರಾಜ್ ಎ೦ಬ ನಟ ಬರೀ ಒಬ್ಬ ನಟನಲ್ಲ ಆತ ಕನ್ನಡ ನಾಡಿನ ಸಾ೦ಸ್ಕ್ರುತಿಕ ರಾಯಭಾರಿ ಎ೦ಬುದು ಮತ್ತೊಮ್ಮೆ ಸಾಬೀತಾಗಿದೆ...ಬೆ೦ಗಳೂರಿನಲ್ಲಿ ಕನ್ನಡಾಭಿಮಾನ ನಶಿಸುತ್ತಿದೆ ಎ೦ದು ಕನ್ನಡಿಗರು ಕೊರಗುತ್ತಿದ್ದಾಗ ಮತ್ತೆ ತಮ್ಮ ಶಕ್ತಿ ತೋರಿದ್ದಾರೆ ಡಾ.ರಾಜ್ ಮರಣದ ನ೦ತರ. ಅಲ್ಲಿಗೆ ರಾಜ್ ಸತ್ತಿಲ್ಲ...ಅವರಿನ್ನೂ ಅಭಿಮಾನಿಗಳ ಹ್ರದಯದಲ್ಲಿ ಬದುಕಿದ್ದಾರೆ ಎ೦ಬುದೂ ಸಾಬೀತಾಗಿದೆ...

ಅ೦ಥದ್ದೇನಿದೆ " ಕಸ್ತೂರಿ ನಿವಾಸ " ಚಿತ್ರದಲ್ಲಿ....?  ಎಲ್ಲ ಡಾ.ರಾಜ್ ಚಿತ್ರಗಳಲ್ಲಿರುವ೦ತೆ ಸರಳ , ಸು೦ದರ , ಮನಮಿಡಿಯುವ ಸಮಾಜಕ್ಕೊ೦ದು ಸ೦ದೇಶ ಸಾರುವ , ಅಶ್ಲೀಲತೆಯ ಸೋ೦ಕಿಲ್ಲದ ಕಥೆ , ಚಿತ್ರಕಥೆ ಮತ್ತು ಡಾ.ರಾಜ್ ಅಮೋಘ ಅಭಿನಯ. ಇದಕ್ಕೆಲ್ಲ ಚಿನ್ನದ ಗರಿಯಿಟ್ಟ೦ತೆ ಇದರ ಸ೦ಗೀತ (ಸೂಪರ್ ಹಿಟ್...ಎವರ್ ಗ್ರೀನ್ ಎನ್ನಬಹುದಾದ ಹಾಡುಗಳು ). 

ಕೊಡುಗೈ ದಾನಿಯಾದ " ಕಸ್ತೂರಿ ನಿವಾಸ " ದ ಒಡೆಯ ತನ್ನ ಗೆಳೆಯ ಮತ್ತು ಆತನ ಕುಟು೦ಬಕ್ಕೆ ಆಸರೆಯಾಗಿ ವಿಧಿಯಾಟಕ್ಕೆ ಸಿಲುಕಿ ಕೈಯ್ಯಲ್ಲಿದ್ದುದನ್ನೆಲ್ಲ ದಾನ ಮಾಡಿ  ಬರಿಗೈ ದಾಸನಾಗಿ ಸಾಯುವ ಹ್ರದಯಸ್ಪರ್ಷೀ ಕಥೆಯಿದು...

ಹಲ ಕೆಲಸಕ್ಕೆ ಬಾರದ ಸೋಮಾರಿಗಳು ವಜ್ರದ ಭ೦ಡಾರವನ್ನು ಲೂಟಿ ಮಾಡಲು ಮಾಡುವ ಮ೦ಗನಾಟಗಳನ್ನೇ ಹಾಸ್ಯದ (ಅಪಹಾಸ್ಯದ) ನೆಪದಲ್ಲಿ ಉಣಬಡಿಸುವ  " ಹ್ಯಾಪೀ ನ್ಯೂ ಇಯರ್ " ಎ೦ಬ ಚಿತ್ರವನ್ನು ಎ೦ಜಾಯ್ ಮಾಡಿ ಅದನ್ನು ನೂರು ಕೋಟಿ ಕ್ಲಬ್ ಗೆ ಸೆರಿಸಿದ  ಇ೦ದಿನ ಯುವಜನತೆಗೆ " ಕಸ್ತೂರಿ ನಿವಾಸ "  ಹಿಡಿಸುತ್ತದೆಯೇ ..ಎ೦ಬುದಕ್ಕೆ ಕಾಲವೇ ಉತ್ತರಿಸಬೇಕು...

ಆದರೆ ಕನ್ನಡಾಭಿಮಾನಿಗಳು ಮಾತ್ರ " ಕಸ್ತೂರಿ ನಿವಾಸ " ವನ್ನು ಆನ೦ದದಿ೦ದಲೇ ಬರಮಾಡಿಕೊ೦ಡಿದ್ದಾರೆ...