" ನಿಮ್ಮ  ವಿಚಾರ  ಬದಲಿಸಿಕೊಳ್ಳಿ...ನಮ್ಮ ಬಟ್ಟೆಯನ್ನಲ್ಲ " ...ಎನ್ನುವವರಿಗೆ...

ಒ೦ದು ಘಟನೆಯನ್ನು ಕಲ್ಪಿಸಿಕೊಳ್ಳಿ. ನೀವೊ೦ದು ಉನ್ಮಾದಕರ ಮತ್ತು ಉದ್ರೇಕಕಾರಿಯಾದ ಚಲನಚಿತ್ರವೊ೦ದನ್ನು ನೋಡಿಕೊ೦ಡು ಮನೆಗೆ ಬರುತ್ತಿರುತ್ತೀರಿ. ಅದು ರಾತ್ರಿಯ ಸಮಯ. ದಾರಿಯಲ್ಲಿ ನಿಮಗೊಬ್ಬ ಒ೦ಟಿ ಯುವತಿ ಅದೂ ಉದ್ರೇಕ ಕಾರಿ ( ಮಿನಿಸ್ಕರ್ಟ್ ಎ೦ದು ಕೊಳ್ಳಿ ) ಉಡುಪಿನಲ್ಲಿ ಕಾಣ ಸಿಗುತ್ತಾಳೆ. ಅಲ್ಲಿ ಸುತ್ತ ಮುತ್ತ ಯಾರೂ ಇಲ್ಲ. ಆಗ ನಿಮ್ಮ ಮನಸ್ಥಿತಿ ಏನಾಗುತ್ತದೆ....?

ನೀವು ಅತ್ಯ೦ತ ಧ್ರಡ ಮನಸ್ಸಿನವರಾಗಿದ್ದರೆ ಮತ್ತು ಒಳ್ಳೇ ಸ೦ಸ್ಕಾರವ೦ತರಾಗಿದ್ದರೆ...ನಿಮ್ಮ ಮನಸ್ಸನ್ನು ನಿಮ್ಮ ಹಿಡಿತದಲ್ಲಿಟ್ಟುಕೊ೦ಡು ಯಾವುದೇ ಅನಾಹುತಕ್ಕೆಡೆಯು೦ಟು ಮಾಡದೇ ಅಲ್ಲಿ೦ದ ಜಾರಿ ಕೊಳ್ಳುತ್ತೀರಿ. ಒ೦ದು ವೇಳೆ ನಿಮ್ಮ ಜಾಗದಲ್ಲಿ ಅಲ್ಲಿ  ಒಬ್ಬ  ಧ್ರಡ ಮನಸ್ಸಿನವನಲ್ಲದ ...ಉತ್ತಮ ಸ೦ಸ್ಕಾರದಲ್ಲಿ ಬೆಳೆದಿರದ ( ಉದಾ : ಸ್ಲ೦ ನಲ್ಲಿ ಬೆಳೆದ ರೌಡಿ ಎ೦ದಿಟ್ಟುಕೊಳ್ಳಿ ) ಮನುಷ್ಯನಿದ್ದ ಎ೦ದುಕೊಳ್ಳಿ ( ಅಥವಾ ಆತ ಮಧ್ಯಪಾನ ಮಾಡಿದ್ದ ಎ೦ದುಕೊಳ್ಳಿ ) ...ಮು೦ದಾಗುವ ಅನಾಹುತ ಊಹಿಸಿಕೊಳ್ಳ ಬಲ್ಲಿರಾ...?

ಈ ಅನಾಹುತಕ್ಕೆ ಕಾರಣರಾಗುವವರಾರು ...?...ಉದ್ರೇಕ ಕಾರೀ ಉಡುಗೆ ತೊಟ್ಟ ಆ ಯುವತಿಯಾ...?... ಸ೦ಸ್ಕಾರವಿಲ್ಲದ ಆ ಮನುಷ್ಯನಾ...? ಅಥವಾ ಆತನನ್ನು ಉನ್ಮಾದಿಸಿದ ಮತ್ತು ಉದ್ರೇಕಿಸಿದ ಆ ಚಲನಚಿತ್ರವಾ...ಅಥವಾ ಮಧ್ಯಪಾನವಾ ?

ಈಗ ನಮ್ಮ ಸುತ್ತಲ ಪರಿಸರವನ್ನು ಕೊ೦ಚ ಅವಲೋಕಿಸೋಣ. ಧ್ರಡ ಮನಸ್ಸಿನವನಲ್ಲದ ಮತ್ತು ಉತ್ತಮ ಸ೦ಸ್ಕಾರ ಹೊ೦ದಿರದ ಯುವಕರನ್ನು  ಉದ್ರೇಕಿಸುವ, ಉನ್ಮಾದಿಸುವ  ಎಲ್ಲ ರೀತಿಯ ಪರಿಕರಗಳೂ ( ಚಲನ ಚಿತ್ರಗಳು, ಜಾಹೀರಾತುಗಳೂ, ಅ೦ತರ್ಜಾಲ ತಾಣಗಳೂ ) ನಮ್ಮ ಪರಿಸರದಲ್ಲಿವೆ. ಅದರ ಜೊತೆ ಎಗ್ಗುತಗ್ಗಿಲ್ಲದೇ ನಡೆಯುವ ಮಧ್ಯ ಸಮಾರಾಧನೆ ಮನುಷ್ಯನ ಮನೋಸ್ವಾಸ್ಥ್ಯವನ್ನೂ ಮತ್ತು  ಪರಿಸರವನ್ನು ಇನ್ನೂ ಹದಗೆಡಿಸುತ್ತಿವೆ.  ಹೀಗಿದ್ದಾಗ ಇ೦ಥ ಅನಾಹುತಗಳನ್ನು ತಡೆಯುವ ದಾರಿ ಯಾವುದು...?

ಧ್ರಡ ಮನಸ್ಸಿಲ್ಲದ...ಸ೦ಸ್ಕಾರವ೦ತರಲ್ಲದವರನ್ನು, ಮಧ್ಯಪಾನ ಮಾಡಿದವರನ್ನು ರಸ್ತೆಯಲ್ಲಿ ಅಡ್ಡಾಡದ೦ತೆ ಮಾಡುವುದಾ...?...ಅದು ಸಾಧ್ಯವಿಲ್ಲದ ಮಾತು.

ಅ೦ದ ಮೇಲೆ ಉಳಿದ ಪರಿಹಾರ ಎರಡೇ...?

ಒ೦ದು ಉನ್ಮಾದ ತರುವ/ಉದ್ರೇಕಿಸುವ ಪರಿಸರದ ಬದಲಾವಣೆ.....ಎರಡು...ಉದ್ರೇಕಕಾರೀ ಉಡುಪಿನ ಮೇಲೆ ನಿಗಾ...?

ನಾವೀಗ ಹೋರಾಡಬೇಕಾಗಿರುವುದು..ಮೊದಲನೇ ಪರಿಹಾರಕ್ಕಾಗಿ . ಅ೦ದರೆ ಹೆಣ್ಣನ್ನು ಭೋಗದ ವಸ್ತುವಾಗಿ , ಅರೆಬೆತ್ತಲೇ ಚಿತ್ರಿಸಿ ತೋರಿಸುವ ಜಾಹೀರಾತು, ಚಲನ ಚಿತ್ರ ಮತ್ತು ಅ೦ತರ್ಜಾಲ ತಾಣಗಳ ವಿರುದ್ದ. ಆದರೆ ಇದು ಅಗುತ್ತಿಲ್ಲ.

ಆಗುತ್ತಿರುವುದು ಉದ್ರೇಕಕಾರೀ ಉಡುಪಿನ ವಿರುದ್ದದ ಕೂಗು ಅದೂ ನಮ್ಮ ಕೈಲಾಗದ  ಸರಕಾರದಿ೦ದ...ಇದನ್ನು ಇ೦ದಿನ ಯುವಜನತೆ ಸಹಿಸಿಕೊಳ್ಳಲಾಗುತ್ತಿಲ್ಲ.

ದೆಹಲಿಯಲ್ಲಿ ಈಗ ಸರ್ಕಾರದ ವಿರುದ್ದ ನಡೆಯುತ್ತಿರುವ ಯುವಜನಾ೦ಗದ (ವೈದ್ಯ ವಿದ್ಯಾರ್ಥಿನಿಯ ಸಾಮೂಹಿಕ ಅತ್ಯಾಚಾರದ ವಿರುದ್ದದ ) ಪ್ರತಿಭಟನೆಯಲ್ಲಿ ಭಾಗವಹಿಸಿರುವ  ಯುವತಿಯರ ಕೆಲ ಸ್ಲೋಗನ್ ಗಳು ಪ್ರತಿಭಟನೆಗಳು  ಮೇಲೆ ಹೇಳಿದ ಪ್ರಶ್ನೆಗಳನ್ನೆತ್ತುತ್ತಿವೆ .

ಮೇಲಿನ ೩ ದ್ರಷ್ಯಗಳೇ ಸಾಕು ಯುವಜನರ ಇ೦ಗಿತ ತಿಳಿಯಲು.

ಆದರೆ ಎಲ್ಲ ತರಹದ...ಎಲ್ಲ ಮನೋಭಾವದ...ಎಲ್ಲ ತರಹದ ಸ೦ಸ್ಕಾರದ ಜನರಿರುವ ಈ ದೇಶದಲ್ಲಿ   " DONT TEACH US WHAT TO WEAR...TEACH YOUR SON NOT TO RAPE  " .." ಸೋಚ್ ಬದಲೋ ಕಪಡೇ ನಹೀ "  ಎ೦ಬ೦ತಹ ಪ್ರತಿಭಟನೆಗಳು ಪರಿಣಾಮಕಾರಿಯಾಗಲು ಮತ್ತು ಕಾರ್ಯಗತವಾಗಲು ಸಾಧ್ಯವೇ..?

 ಅಗರ ಸೋಚ ಬದಲನಾ  ಇತಾನಾ  ಆಸಾನ್ ಹೋತಾ ತೊ....ಕ್ಯಾ  ಹಮಾರಾ ದೇಶ ಐಸಾ ಹೋತಾ...?

ನೀವು ಮನೆಯಿ೦ದ ಹೊರಗೆ ಹೋಗಬೇಕಿದ್ದರೆ ಮನೆಗೆ ಬೀಗ ಹಾಕಿ ಹೋಗುತ್ತೀರಿ ಮತ್ತು ರಾತ್ರಿ ಮಲಗುವಾಗಲೂ ಬಾಗಿಲು ಭದ್ರವಾಗಿ  ಜಡಿದು ಮಲಗುತ್ತೀರಿ , ಏಕೆ...? ನಿಮಗೆ ಗೊತ್ತು ನಿಮ್ಮ ಪರಿಸರದಲ್ಲಿ ಕಳ್ಳ ಕಾಕರಿದ್ದಾರೆ ಎ೦ದು. ಬಾಗಿಲು ತೆರೆದಿಟ್ಟೇ ಮಲಗುವುದು ನಿಮ್ಮ ಹಕ್ಕಲ್ಲವೇ..? ನಿಮ್ಮ ಮನೆಯನ್ನು ರಕ್ಷಿಸುವುದು ಪೋಲೀಸರ ಕರ್ತವ್ಯವಲ್ಲವೇ...?  ನಿಮಗೆ ಗೊತ್ತು ಪೋಲೀಸರು ಅಥವಾ ಕಾನೂನು ಎಲ್ಲವನ್ನೂ ಎಲ್ಲ ಕಾಲದಲ್ಲೂ ಕಾಯಲಾರದು ಅದಕ್ಕೂ ತನ್ನದೇ ಆದ ಮಿತಿಯಿದ ಎ೦ದು . ಆದ್ದರಿ೦ದ ನಿಮ್ಮ ಹುಷಾರಿನಲ್ಲಿ ನೀವಿರುತ್ತೀರಿ. ಇದೇ ಜಾಗ್ರತೆಯನ್ನು  ನಿಮ್ಮ  ಎಲ್ಲ ಕೆಲಸಗಳಲ್ಲೂ  ಅಳವಡಿಸಿಕೊ೦ಡರೆ ಒಳ್ಳೆಯದಲ್ಲವೇ ?

ಹಾಗಿದ್ದರೆ ಪ್ರತಿಭಟನೆಯೇ ಬೇಡವೇ...? ಖ೦ಡಿತ ಬೇಕು...ಆದರೆ ಪ್ರತಿಭಟನೆಯ ಗುರಿ ಬದಲಾಗಲಿ.

ಪ್ರತಿಭಟಿಸುವುದಿದ್ದರೆ...ಇದನ್ನು  ಪ್ರತಿಭಟಿಸಿ...

ಅಶ್ಲೀಲ ಜಾಹೀರಾತು ಗಳ , ಅಶ್ಲೀಲ ರಿಯಾಲಿಟೀ  ಶೋ ಗಳ, ಅಶ್ಲೀಲ  ಚಲನ ಚಿತ್ರಗಳ , ಅ೦ತರ್ಜಾಲ ತಾಣ ಗಳ ವಿರುದ್ದ  ಪ್ರತಿಭಟಿಸಿ...ಇವುಗಳಿಗೂ ಅತ್ಯಾಚಾರಗಳ೦ತಹ ಅಪರಾಧಕ್ಕೂ ಏನು ಸ೦ಭ೦ಧ ಎ೦ದು ನಿಮಗನ್ನಿಸಬಹುದು. ಆದರೆ ಸ೦ಭ೦ಧ ವಿದೆ. ತಜ್ನ್ಯರ ಪ್ರಕಾರ ಪ್ರತೀ ಅತ್ಯಾಚಾರಿಯೂ ಒಬ್ಬ ಮಾನಸಿಕ ರೋಗಿ. ಆತನ ಮಾನಸಿಕ ಸ್ವಾಸ್ಥ್ಯ ಹದಗೆಡಲು ಇ೦ದಿನ ಸ್ವೇಚ್ಚಾಪ್ರವ್ರತ್ತಿ ( ಅದರಲ್ಲಿ ಮಧ್ಯಪಾನವೂ ಸೇರಿದೆ ) ಯ ಪರಿಸರವೇ ಕಾರಣ. ಇ೦ಥವರ ಮಾನಸಿಕ ಸ್ವಾಸ್ಥ್ಯ ಸರಿಪಡಿಸುವ ವಿಧಾನ ಎರಡೇ... ಒ೦ದು  ಪರಿಸರದಲ್ಲಿ  ಬದಲಾವಣೆ (ಮಧ್ಯಪಾನ ನಿಷೇಧವೂ ಸೇರಿದ೦ತೆ ) ಮತ್ತು   ಕಠಿಣ  ಶಿಕ್ಷೆಯ ಭಯ.


ಸಿ೦ಗಾಪುರ್ ನ೦ತ ದೇಶಗಳಲ್ಲಿರುವ೦ತಹ ( ಅತ್ಯಾಚಾರಿಗಳಿಗೆ  ತ್ವರಿತವಾದ ಮತ್ತು ಕಠಿಣ ಶಿಕ್ಷೆ ) ಪ್ರಭಲ ಕಾನೂನನ್ನು ಜಾರಿಗೆ  ತರಲು  ಮೀನ  ಮೇಷ  ಎಣಿಸುತ್ತಿರುವ  ನಮ್ಮ  ಸರಕಾರದ ಸೋಮಾರಿತನದ  ವಿರುದ್ದ  ಪ್ರತಿಭಟಿಸಿ.

ಒ೦ದು ಕಡೆ ಅಧುನಿಕ ಯುವತಿಯರು...ತಾವು ಭೋಗದ ವಸ್ತುವಲ್ಲ ತಮ್ಮನ್ನು ನೋಡುವ ದ್ರಷ್ಟಿ  ಬದಲಾಗಲಿ ಎನ್ನುತ್ತಿದ್ದಾರೆ...ಇನ್ನೊ೦ದು ಕಡೆ ಇವರು ಆರಾಧಿಸುವ ಸೆಲೆಬ್ರಿಟಿಗಳು ಹಣದಾಸೆಗೆ ಜಾಹಿರಾತುಗಳಲ್ಲಿ ಮತ್ತು ಬೆಳ್ಳಿಪರದೆಯ ಮೇಲೆ ತಮ್ಮನ್ನು ತಾವು ಭೋಗದ ವಸ್ತುವಾಗಿ ಬಿ೦ಬಿಸಿಕೊಳ್ಳುತ್ತಿದ್ದಾರೆ ( " ಶೀಲಾ ಕಿ ಜವಾನಿ " ಯಿ೦ದ ಹಿಡಿದು..." ಹಲ್ಕಟ ಜವಾನಿ " ಯ ವರೆಗಿನ  ಐಟ೦ ಸಾ೦ಗುಗಳು ಸಾರುವುದು ಇದನ್ನೇ ಅಲ್ಲವೇ... ) ಅಗ್ಗದ ಪ್ರಚಾರಕ್ಕಾಗಿ ಪೂನ೦ ಪಾ೦ಡೆ , ರೋಜಲೀನ್ ಖಾನ್ ರ೦ತಹ  ರೂಪದರ್ಶಿ(?) ಗಳು ತಮ್ಮ ನಗ್ನತೆಯನ್ನು ಫೇಸ್ ಬುಕ್ ಗಳ೦ತಹ ಜನಪ್ರೀಯ ಅ೦ತರ್ಜಾಲ ತಾಣಗಳಲ್ಲಿ ಹರಿಬಿಟ್ಟು ತಾವು ಭೋಗದ ವಸ್ತುಗಳೆ೦ದು ಜಗತ್ತಿಗೇ ಸಾರುತ್ತಿದ್ದಾರೆ.  ....ಇದಲ್ಲವೇ ವಿಪರ್ಯಾಸ...?  ಇದರ ವಿರುದ್ದ ಪ್ರತಿಭಟಿಸಿ....ಇದರಿ೦ದ ಪರಿಸರ ಬದಲಾಗಲಿ.

ಇದರ ಜೊತೆ  ಪರಿಸರ  ಹದಗೆಡಲು ಮುಖ್ಯಕಾರಣವಾದ " ಮಧ್ಯಪಾನ "...ಮತ್ತು ಅದನ್ನು ಎಗ್ಗುತಗ್ಗಿಲ್ಲದೇ ಮಾರಿ ಯುವಜನಾ೦ಗವನ್ನು  ಮಧ್ಯವ್ಯಸನಿಗಳನ್ನಾಗಿಸುತ್ತಿರುವ  ಸರ್ಕಾರದ ನೀತಿಯನ್ನು ಪ್ರತಿಭಟಿಸಿ.

ಆಗ ನಿಮ್ಮ ಪ್ರತಿಭಟನೆಗೊ೦ದು ಅರ್ಥ ಬರುತ್ತದೆ......" ಅದರ ಜೊತೆಗೆ ಬಟ್ಟೆಯ ಮೇಲೆ ಕೊ೦ಚ ನಿಗಾ ಕೂಡ ಇರಲಿ "..ಪರಿಸರ ಬದಲಾಗುವವರೆಗಾದರೂ....ಸ್ವಾತ೦ತ್ರ್ಯದ ಜೊತೆ ಜವಾಬ್ದಾರಿಯೂ ಇಲ್ಲದಿದ್ದರೆ...ಅದು ಸ್ವೇಚ್ಚಾಚಾರವಾಗಿ ಅನಾಹುತಗಳಿಗೆಡೆಮಾಡುತ್ತದೆ.

ಪರಿಸರ ಬದಲಾದಾಗ ಮಾತ್ರ ವಿಚಾರ (ಹಿ೦ದಿಯಲ್ಲಿ  ... " ಸೋಚ್ "  ) ಬದಲಾಗುತ್ತದೆ ಎ೦ಬುದು ನಿಮಗೆಲ್ಲ ತಿಳಿದಿರಲಿ...

Disclaimer : ಮೇಲಿನ ಲೇಖನ ನನ್ನ ಮತ್ತು ನನ್ನ ಸಮವಯಸ್ಕ ರ  ಅಭಿಪ್ರಾಯ ಮಾತ್ರ ......ಇ೦ದಿನ ಯುವಜನಾ೦ಗದ ಅಭಿಪ್ರಾಯ ಇದಕ್ಕೆ ವ್ಯತಿರಿಕ್ತವಾಗಿದ್ದರೆ...ನಾನು ಹೊಣೆಗಾರನಲ್ಲ.