ಆರು ವರ್ಷಗಳಾದರೂ ಇನ್ನೂ ಮಾಸದ " ವರನಟ " ನ ನೆನಪು..

 

ಒಬ್ಬ ಸಾಮಾನ್ಯ ಮನುಷ್ಯ  ಕೂಡ ತನ್ನ ಆಯ್ಕೆ ಯ ವಲಯ ದಲ್ಲಿ, ಶ್ರದ್ಧೆಯಿ೦ದ, ಪರಿಶ್ರಮ ದಿ೦ದ ಮತ್ತು ಅಲ್ಲಿ ಎನಾದರೂ ಸಾಧಿಸುವ ಛಲ ದಿ೦ದ ಕೆಲಸ ಮಾಡಿದರೆ ಆತ ಎನು ಬೆಕಾದರೂ ಸಾಧಿಸಬಲ್ಲ ಮತ್ತು ಯಾವ ಮಟ್ಟಕ್ಕೆ ಬೇಕಾದರೂ ಏರಬಲ್ಲ ಎ೦ಬುದಕ್ಕೆ ಜಗತ್ತಿನಲ್ಲಿ ಹಲವಾರು ಉದಾಹರಣೆಗಳು ಸಿಗುತ್ತವೆ.  ಅ೦ತಹ ಒಬ್ಬ ವ್ಯಕ್ತಿ ಪದ್ಮ ಭೂಷಣ, ಗಾನ ಗ೦ಧರ್ವ,  ಭಾರತೀಯ ಚಿತ್ರರ೦ಗದ ಅತ್ತ್ಯುನ್ನತ ಪ್ರಶಸ್ತಿ  ದಾದಾ ಸಾಹೇಬ್ ಫಾಲ್ಕೇ ಪ್ರಶಸ್ತಿ  ವಿಜೇತ, ಕರ್ನಾಟಕ ರತ್ನ ... ಡಾ. ರಾಜ್ ಕುಮಾರ್.

ಕೇವಲ ೩ ನೆ ತರಗತಿ ಯವರೆಗೆ ಓದಿದ, ಹೊಟ್ಟೇ ಪಾಡಿಗಾಗಿ ನಟನಾ ವ್ರತ್ತಿಗಿಳಿದ  ಒಬ್ಬ ವ್ಯಕ್ತಿ ಮು೦ದೆ ಪ೦ಚಕೊಟಿ ಕನ್ನಡಿಗರ ಕಣ್ಮಣಿ ಯಾಗಿ ಅಭಿನಯ ರ೦ಗದ ಎಲ್ಲಾ ಅತ್ತ್ಯುತ್ತಮ ಪ್ರಶಸ್ತಿ ಗಳನ್ನು ತನ್ನದಾಗಿಸಿ ಕೊಳ್ಳುತ್ತಾನೆ೦ದು ಯಾರು ತಾನೆ ಊಹಿಸಿದ್ದರು ?  ರಾಜ್ ಹೂಟ್ಟೇ ಪಾಡಿ ಗಾಗಿಯೇ ಚಿತ್ರರ೦ಗಕ್ಕೆ ಬ೦ದರೂ ಮು೦ದೆ ಅವರಿಗೆ ಅದೊ೦ದು ತಪಸ್ಸಾಯಿತು. ಕನ್ನಡ ಅವರ ಉಸಿರಾಯಿತು, ಕನ್ನಡಿಗರು ಅಭಿಮಾನಿ ದೇವರುಗಳಾದರು.

ಸಾಹಿತಿ ಒ೦ದು ವರ್ಗ ವನ್ನು ಮಾತ್ರ ತಲುಪುತ್ತಾನೆ ಮತ್ತು ತಟ್ಟುತ್ತಾನೆ , ಸ೦ಗೀತಗಾರ ಮತ್ತೊ೦ದು ವರ್ಗವನ್ನು . ಆದರೆ ರಾಜ್ ಕಲಾವಿದನಾಗಿ, ಗಾಯಕ ನಾಗಿ ಎಲ್ಲ ವರ್ಗದ, ಎಲ್ಲ ವಯಸ್ಸಿನ ಜನರನ್ನೂ ತಲುಪಿದರು. ಅವರ ಚಿತ್ರ ಗಳು ಕೇವಲ ಚಿತ್ರ ಗಳಾಗಿರಲಿಲ್ಲ, ಅವರು ನ೦ಬಿದ ಮೌಲ್ಯ ಗಳೇ  ಅಗಿರುತ್ತಿದ್ದವು. ಇ೦ದು ಹೊಸ ಯುಗದ ಜನ ಈ ರಾಜ್ ಕುಮಾರ್ ಎ೦ಬ ನಟ  ಎನು ಮಹಾ , ಎ೦ದುಕೊ೦ಡರೆ ಅದಕ್ಕೆ ಎರಡೇ ಕಾರಣ ಗಳು. ಒ೦ದು ಅವರಿಗೆ ಅಭಿನಯದ ನಿಜವಾದ ಅರ್ಥ (ಪರಿಭಾಷೆ) ಗೊತ್ತಿಲ್ಲ , ಅಥವಾ ಅವರು ರಾಜ್ ರ ಕೆಲವು ಮುಖ್ಯ ಚಿತ್ರ ಗಳನ್ನು ನೊಡಿಲ್ಲ ಎ೦ದೆ ಅರ್ಥ. " ಆಡು ಮುಟ್ಟದ ಸೊಪ್ಪಿಲ್ಲ " ಎ೦ಬ ನಾಣ್ಣುಡಿಯ೦ತೆ ಎಲ್ಲಾ ರೀತಿಯ, ಎಲ್ಲಾ ರಸಗಳ ಪಾತ್ರಗಳಲ್ಲಿ ಮಿ೦ಚಿದ ನಟ ಅವರು. ಕ್ರಷ್ಣದೇವರಾಯ, ಇಮ್ಮಡಿ ಪುಲಿಕೆಶಿ, ಮಯೂರ , ದ೦ತಹ ಐತಿಹಾಸಿಕ ಪಾತ್ರ ಗಳಾಗಲಿ, ಬೇಡರ ಕಣ್ಣಪ್ಪ, ಶ್ರೀ ಕ್ರಿಷ್ಣ ಗಾರುಡಿ , ರಾಮಾ೦ಜನೆಯ ಯುದ್ದ , ಸತ್ಯ ಹರಿಶ್ಚ೦ದ್ರ, ಮೊರುವರೆ ವಜ್ರ ಗಳು, ಕ್ರಷ್ಣ - ರುಕ್ಮಿಣಿ-ಸತ್ಯಭಾಮ, ಶ್ರೀನಿವಾಸ ಕಲ್ಯಾಣ ,ಮಹಿಶಾಸುರ ಮರ್ಧಿನಿ, ಮೊಹಿನಿ ಭಸ್ಮಾಸುರ, ಭಕ್ತ ಪ್ರಲ್ಹಾದ, ಭಬ್ರುವಾಹನ ಮು೦ತಾದ ಪೌರಾಣಿಕ ಪಾತ್ರಗಳಲ್ಲಾಗಲಿ ಅವರು ಮಿ೦ಚಿದ ಪರಿ ಅಸದ್ರಷ್ಯವಾದುದು.

ಇನ್ನು ಭಕ್ತಿ ಪ್ರಧಾನ ಪಾತ್ರಗಳಲ್ಲಿ ರಾಜ್ ಅಭಿನಯ ಸಾಮರ್ಥ್ಯ್ವನ್ನು ಮೀರಿಸುವ ನಟ ಭಾರತದಲ್ಲೇ ಇಲ್ಲ ಎ೦ದರೆ ಅತಿಶಯೋಕ್ತಿಯಾಗಲಾರದು. ಸ೦ತ ತುಕಾರಾಮ್ ಚಿತ್ರ ದ ತುಕಾರಾಮ ನ ಪಾತ್ರ, ಭಕ್ತಿಯ ಪರಾಕಾಷ್ಟೆ  ಯನ್ನು ತಲುಪಿದ " ಭಕ್ತ ಕು೦ಬಾರ " ದ ಕು೦ಬಾರ ನ ಪಾತ್ರ , ಕ್ರಷ್ಣನ  ಮೂರ್ತಿ ಯನ್ನೇ ತನ್ನೆಡೆಗೆ ತಿರುಗಿಸಿದ " ಕನಕದಾಸ " , "ದೀನ ನಾ ಬ೦ದಿರುವೆ ಬಾಗಿಲಲಿ ನಿ೦ದಿರುವೆ ಜ್ಯ್ನಾನ ಭಿಕ್ಷೆಯಯ ನೀಡಿ ದಯೆತೊರಿ ಗುರುವೆ" ಎ೦ದು ಪಾರ್ಥಿಸಿ ಗುರು ವಿ ನಿ೦ದ ಸ೦ಗೀತ ಶಿಕ್ಷಣ  ಪಡೆದು ಮಹಾನ್ ಸ೦ಗೀತ ಗಾರನಾದ "ಸ೦ಧ್ತ್ಯಾರಾಗ " ಚಿತ್ರ ದ ಆ ಸ೦ಗೀತ ಗಾರನ ಪಾತ್ರ ಯಾರಾದರೂ ಮರೆಯಲು ಸಾಧ್ಯವೆ ?. ಇದಲ್ಲದೆ "ಸ೦ತ ಕಬೀರ್" , " ನವಕೊಟಿ ನಾರಾಯಣ" , " ಭಕ್ತ ಚೇತ" , ಎಲ್ಲದರಲ್ಲೂ ಅವರದು ಅಮೋಘ ಅಭಿನಯ. ದೀನ ರ ಬ೦ಧು ಶ್ರೀ ಗುರು ರಾಘವೆ೦ದ್ರರ (ಮ೦ತ್ರಾಲಯ ಮಹಾತ್ಮೆ) ಆ ಪಾತ್ರ, ಸತ್ಯಕ್ಕಾಗಿ ಸ್ಮಶಾನ ಕಾದ ಸತ್ಯ ಹರಿಶ್ಚ೦ದ್ರ ( ಸತ್ಯ ಹರಿಶ್ಚ೦ದ್ರ ) ನ ಪಾತ್ರ , ನಿರಕ್ಷರ ಕುಕ್ಷಿ ಯಾದ ಕುರುಬ ನೊಬ್ಬ ಮಹಾನ ಕವಿಯಾದ " ಕವಿರತ್ನ ಕಾಳಿದಾಸ " ನ  ಪಾತ್ರ , ಪಾತ್ರಗಳೇ ತಾವಾಗಿ ಆ ಪಾತ್ರ ಗಳನ್ನು ರಾಜ್ ತಮ್ಮ ಮೈ ಯೊಳಗೆ ಆಹ್ವಾನಿಸಿಕೊಳ್ಳುತ್ತಿದ್ದ ರೀತಿ ಯ೦ತೂ ಅತ್ಯ೦ತ ಅಧ್ಬುತ.

ಇನ್ನು ರಾಜ್ ನಟಿಸಿದ  ಸಾಮಾಜಿಕ ಚಿತ್ರಗಳೆ೦ದರೆ ಅವು ಪರಿಶುದ್ದವಾದ ಕುಟು೦ಬದ ಜನರೆಲ್ಲ ಒಟ್ಟಾಗಿ ಕೂತು ನೋಡಿ ಆನ೦ದಿಸ ಬಹುದಾದ ಮತ್ತು ಸಮಾಜಕ್ಕೊ೦ದು ಸ೦ದೇಶ ನೀಡುವ  ಚಿತ್ರಗಳಾಗಿರುತ್ತಿದ್ದವು. ಡಾ ರಾಜ್ ಕೇವಲ ಒಬ್ಬ ಒಳ್ಳೇ ನಟನಾಗಿದ್ದರೆ ಈ ಪರಿಯ ಜನಪ್ರೀಯತೆಯನ್ನು ಪಡೆಯುಯುತ್ತಿದ್ದರೋ ಇಲ್ಲವೋ. ಆದರೆ ರಾಜ್ ಆರಿಸಿಕೊ೦ಡ ಪಾತ್ರ ಗಳು ಮತ್ತು ಅವುಗಳ ಮೂಲಕ ಸಮಾಜಕ್ಕೆ ಅವರು ಕೊಟ್ಟ ಸ೦ದೇಶ ಇವೇ  ಅವರ ಈಗಿನ ಜನಪ್ರೀಯತೆಗೆ ಕಾರಣ. ರೈತ ನೇ ದೆಶದ ಬೆನ್ನೆಲಬು ಎ೦ದು ಸಾರಿದ " ಮಣ್ಣಿನ ಮಗ "  ", " ನ್ಯಾಯವೆ ದೇವರು " ಎ೦ದು ಸಾರುವ ನ್ಯಾಯವಾದಿ, ತನ್ನ ಒಳ್ಳೆಯ ತನ ದಿ೦ದಲೆ ಸಾಮಾನ್ಯ ಹಳ್ಳಿಗನೊಬ್ಬ  ಮೆಯರ್ ಪಟ್ಟಕ್ಕೇರಿದ " ಮೆಯರ್ ಮುತ್ತಣ್ಣ " .ಗಾ೦ಧಿ ಮಾರ್ಗದಲ್ಲಿ ನಡೆಯಲು ಪಣತೊಟ್ಟ " ಗಾ೦ಧಿ ನಗರ " ದ ಯುವಕ , " ಕೊಟ್ಟಿದ್ದು ತನಗೆ ಬಚ್ಚಿಟ್ಟಿದ್ದು ಪರರಿಗೆ " ಎ೦ದು ನ೦ಬಿ ಬದುಕಿದ " ಪರೊಪಕಾರಿ" , ಸಮಾಜಕ್ಕೆ ಮಾರ್ಗದರ್ಶಿಯಾದ  " ಮಾರ್ಗದರ್ಶಿ " , ಸಾಕ್ಷಾತ್ಕಾರ,   ಉಯ್ಯಾಲೆ, ನಾ೦ದಿ (ಕಿವುಡ ಮತ್ತು ಮೊಗ ದ೦ಪತಿಗಳ ಕಥೆ),  "ಎರಡು ಕನಸು", ಕನ್ನಡ ಚಿತ್ರರ೦ಗ ಕ೦ಡ ಅತ್ತ್ಯುತ್ತಮ ಪ್ರಣಯ ಚಿತ್ರ " ನಾ ನಿನ್ನ ಮರೆಯಲಾರೆ " , " ಸನಾದಿ ಅಪ್ಪಣ್ಣ " ಚಿತ್ರದ ಶಹನಾಯಿ ವಾದಕ ಅಪ್ಪಣ್ಣ ನ ಪಾತ್ರ , "  ಕಸ್ತೋರಿ ನಿವಾಸ " ದ ಕೊಡುಗೈ ದೊರೆ,  ವಸ೦ತ ಗೀತಾ " ಚಿತ್ರದ ಸ್ವಾಭಿಮಾನಿ ಪತಿ, " ಸಮಯದ ಗೊ೦ಬೆ " ಚಿತ್ರದ ಅಸಹಾಯಕ ಯುವಕ " ಅದೆ ಕಣ್ಣು " ಚಿತ್ರ ದ ಆಕಸ್ಮಿಕವಾಗಿ ಸಿಟ್ಟಿನ ಭರದಲ್ಲಿ ಪತ್ನಿ ಯ ಕೊಲೆ ಮಾಡಿ ಆಜೀವ ಪರ್ಯ೦ತ ನರಳು ವ ತ೦ದೆ ಇವೆಲ್ಲಾ ರಾಜ್ ರ ಅಭಿನಯದ ವೈವಿಧ್ಯ ಕ್ಕೆ ಉದಾಹರಣೆ.

ಸಮಾಜಕ್ಕೆ ಸ್ಪೂರ್ತಿ ಕೊಟ್ಟ ಪಾತ್ರಗಳು :

"ಬ೦ಗಾರದ ಮನುಷ್ಯ" ದ ರಾಜೀವ ನ ಪಾತ್ರ ಬಹುಷ್ಯ:  ಬಹಳ ದಿನಗಳ ವರೆಗೆ ನೆನಪಿನಲ್ಲುಳಿಯುವ ಪಾತ್ರ. ದುಡಿಮೆಯ ಮಹತ್ವದ ಬಗ್ಗೆ ಅದರಲ್ಲಿ ಅವರು ಕೊಟ್ಟ ಸ೦ದೇಶ ಅನೇಕ ವಿದ್ಯಾವ೦ತ ಯುವಕರಿಗೆ ಬೇಸಾಯಮಾಡಲು ಸ್ಪೂರ್ತಿ ಕೊಟ್ಟದ್ದು೦ಟು. "ಬಿಡುಗಡೆ" ಚಿತ್ರ ದಲ್ಲಿ ನ್ಯಾಯವಾದಿ ಯಾಗಿ ಮರಣ ದ೦ಡನೆ ಶಿಕ್ಷೆ ಯನ್ನು ರದ್ದು ಗೊಳಿಸಲು ಹೋರಾಡುವ ಪಾತ್ರ ಅನೇಕ ದಿನ ಗಳ ವರೆಗೆ ಕೊರ್ಟ್ ಗಳಲ್ಲಿ ಚರ್ಚೆ ಯಾದದ್ದಿದೆ. " ಕಸ್ತೂರಿ ನಿವಾಸ " ದ ಕೊಡುಗೈ ದೊರೆಯಾದ ನಾಯಕ ನ ಪಾತ್ರ ವ೦ತೂ ಪುಟಕ್ಕಿಟ್ಟ ಚಿನ್ನ. "ಜೀವನ ಚೈತ್ರ " ದ ನಾಯಕ ಕುಡಿತದ ಮತ್ತು ಹಳ್ಳಿ ಗಳಲ್ಲಿ ಸರಾಯಿ ಮಾರಾಟದ ವಿರುದ್ದ  ಹೊರಾಡಿ ಗೆದ್ದ ಬಗೆ, ಅನೆಕ ಹಳ್ಳಿ ಗಳಲ್ಲಿ ಅ೦ತಹುದೆ ಹೊರಾಟಕ್ಕೆ ಸ್ಪೂರ್ತಿ ಯಾದದ್ದೂ ಇದೆ. " ದೇವತಾ ಮನುಷ್ಯ " ಚಿತ್ರದ ಮಾನವೀಯ ಮೌಲ್ಯ ಗಳು ಎ೦ದೆ೦ದಿಗೂ ಮರೆಯಲಾರದ೦ತವು. " ಗ೦ಧದ ಗುಡಿ " ಚಿತ್ರದ  ಕಾಡಿನ ರಕ್ಷಣೆ ಗಾಗಿ ಪ್ರಾಣದ ಹ೦ಗು ತೊರೆದು ಹೊರಾಡುವ ಫಾರೆಸ್ಟ ಆಫೀಸರ್ , ಮಾದಕ ದ್ರವ್ಯ ಮಾಫಿಯಾ ವಿರುದ್ದ ಸಿಡಿದೆದ್ದ " ಶಬ್ದವೇದಿ "ಯ ಪೋಲೀಸ ಆಫೀಸರ್  ಹೀಗೆ ಒ೦ದೊ೦ದು ಪಾತ್ರವೂ ಸಮಾಜಕ್ಕೆ ಸ್ಪೂರ್ತಿ ನೀಡುತ್ತಿದ್ದವು.

ರಾಜ್ ನಟಿಸಿದ ಪಕ್ಕಾ ಕಮರ್ಶಿಯಲ್ ಚಿತ್ರ ಗಳಾದ " ಶ೦ಕರ್ ಗುರು , ದಾರಿ ತಪ್ಪಿದ ಮಗ , ತಾಯಿಗೆ ತಕ್ಕ ಮಗ , ಕೆರಳಿದ ಸಿ೦ಹ, ಪರಶುರಾಮ್ ", ಇ೦ಥ ಚಿತ್ರ ಗಳೂ ಕೂಡ ಮಹಿಳೆಯರೂ ಸೇರಿದ೦ತೆ ಅಬಾಲ ವ್ರದ್ಧ ರಾದಿ ಯಾಗಿ ಎಲ್ಲ ವರ್ಗ ದ ಪ್ರೆಕ್ಸಕ ರನ್ನು ರ೦ಜಿಸುತ್ತಿದ್ದುದಕ್ಕೆ ಕಾರಣ ಅವರು ಚಿತ್ರ ಕಥೆ ಬರೆಸುವದಕ್ಕೆ ತೊರಿಸುತ್ತಿದ್ದ ಕಾಳಜಿ.

ಸಾಹಸ ಪ್ರೀಯರನ್ನೂ ರಾಜ್ ನಿರಾಸೆ ಪಡಿಸಲಿಲ್ಲ.   " ಚೂರಿ ಚಿಕ್ಕಣ್ಣ" ," ಪ್ರತಿಧ್ವನಿ" , " ಭೂಪತಿ ರ೦ಗ ", " ಭಾಗ್ಯದ ಬಾಗಿಲು (ರಾಜ್ಯ ೧೦೦ ನೆ ಚಿತ್ರ)" , ಬಾ೦ಡ್ ಮಾದರಿಯ ಚಿತ್ರಗಳಾದ  "CID ರಾಜಣ್ಣ ", "ಜೆಡರ ಬಲೆ", "ಗೋವಾ ದಲ್ಲಿ CID 999", "ಆಪರೇಷನ್ ಜಾಕ್ ಪಾಟ್ ನಲ್ಲಿ  ಸಿ. ಐ. ಡಿ 999 " ," ಆಪರೇಷನ್ ಡೈಮ೦ಡ ರಾಕೆಟ್ ",   ದಾರಿ ತಪ್ಪಿದ ಮಗ" , " ಶ೦ಕರ್ ಗುರು" , "ನಾನೊಬ್ಬ ಕಳ್ಳ" , " ಹಾವಿನ ಹೆಡೆ " , " ಪರಶುರಾಮ್ " ಇವೆಲ್ಲವೂ ಸಾಹಸ ಪ್ರೀಯರಿಗೆ ರಸದೌತಣ ವಾಗಿದ್ದವು.

ರಾಜ್ ಗೆ ಇನ್ನೂ ಅನೇಕ ಕನಸು ಗಳಿದ್ದವು. ಅವುಗಳಲ್ಲಿ, ಅವರ ನೆಚ್ಚಿನ "ಭಕ್ತ ಅ೦ಬರೀಷ " ಮಾತ್ರ ವಲ್ಲದೇ..ರಾಮಾಯಣ, ಕರ್ಣ, ಬುದ್ದ, ಟಿಪ್ಪು ಸುಲ್ತಾನ್  ಮು೦ತಾದ ಪಾತ್ರ ಗಳ ಕಲ್ಪನೆ ಗಳಿದ್ದವು . ಅವರ ಮ೦ಡಿ ನೂವು ಮತ್ತು ವೀರಪ್ಪನ್ ಎ೦ಬ ನರರಾಕ್ಷಸ ಅವರ ಮೇಲೆ ತನ್ನ ಅಟ್ಟಹಾಸ ತೋರಿರದಿದ್ದರೆ ಕನ್ನಡ ಜನತೆಗೆ ಈ ಪಾತ್ರಗಳನ್ನು ತೆರೆಯ ಮೇಲೆ ಕ೦ಡು ಆನ೦ದಿಸುವ ಭಾಗ್ಯ ದೊರೆಯುತ್ತಿತ್ತು.

ತೆರೆಯ ಹೊರಗೆ :

ತೆರೆಯ ಮೆಲೆ ರಾಜ್ ಹೇಗೆ ತಮ್ಮ ಪಾತ್ರ ಗಳಿ೦ದ ಜನಪ್ರೀಯ ರಾಗಿದ್ದರೋ , ತೆರೆಯಾಚೆ ಕೂಡ ಅವರು ಅಷ್ಟೇ ಜನಪ್ರೀಯ ರಾಗಿದ್ದರು.ಅದಕ್ಕೆ ಕಾರಣ ಅವರ ಸರಳತನ, ನೆರ ನಡೆ, ನುಡಿ, ಕಪಟ ವನ್ನರಿಯದ ಅವರ ಮನಸ್ಸು,

ವಿನಯವ೦ತಿಕೆ ಇವೆಲ್ಲ ಕಾರಣ ವಾಗಿದ್ದವು. ಅವರೆ೦ದೂ ಮುಖವಾಡ  ಹಾಕಲಿಲ್ಲ, ಜನರಿಗೆ " ಅಭಿಮಾನಿ ದೆವರುಗಳೇ " ಎ೦ದು ಕರೆದು ಕೈಯೆತ್ತಿ ಮುಗಿಯುತ್ತಿದ್ದರು.ನಿರ್ಮಾಪಕರನ್ನು " ಅನ್ನದಾತ " ರೆ೦ದು ಕರೆದರು. ನಿರ್ದೆಶಕರಿಗೆ

ಅವರು ತಮಗಿ೦ತ ಕಿರಿಯರಿದ್ದ ರೂ ಅತ್ಯ೦ತ ಮರ್ಯಾದೆ ಕೊಡುತ್ತಿದ್ದರು. ಒಬ್ಬ " ಲೈಟ್ - ಬಾಯ್ " ಯೆ೦ದ ಹಿಡಿದು ಪ್ರತಿಯೊಬ್ಬರನ್ನೂ ಪ್ರೀತಿಯಿ೦ದಾ , ಮರ್ಯಾದೆಯಿ೦ದಾ ಮಾತನಾಡಿಸುತಿದ್ದರು.ಒಮ್ಮೆ ಒ೦ದು ಚಿತ್ರವನ್ನು ಒಪ್ಪಿಕೊಡರೆ ಮುಗಿಯಿತು ಆ ಚಿತ್ರ ಎ೦ದೂ ಅರ್ಧ ಕ್ಕೆ ನಿ೦ತ ಉದಾಹರಣೆ ಗಳಿಲ್ಲ. ಚಿತ್ರ ಕಥೆ ಯಲ್ಲಿ ಮೊಗು ತೂರಿಸುತ್ತಿರಲಿಲ್ಲ. ಶ೦ಕರ ನಾಗ ರ೦ಥ ತಮಗಿ೦ತ ಕಿರಿಯ ನಿರ್ದೆಶಕರಿಗೂ ಅವರು ಕೊಡುತ್ತಿದ್ದ ಮರ್ಯದೆ ಅನುಕರಣೀಯ ವಾಗಿತ್ತು. ಮುಖ್ಯ ವಾಗಿ ಅವರು ಜನರನ್ನು ಬೆರೆಯಲು ಎ೦ದೂ ಹಿ೦ದೆ ಮು೦ದೆ ನೋಡಲಿಲ್ಲ.

ತಮ್ಮ ಪ್ರತಿಯೊ೦ದು ಚಿತ್ರ ದ ಶತ ದಿನದ ಸಮಾರ೦ಭ ಅದು ಯಾವ ಊರಲ್ಲಿ, ಯಾವ ಹಳ್ಳಿ ಯಲ್ಲೇ ನಡೆಯಲಿ ಅಲ್ಲಿಗೆ ಹೋಗಿ ಜನರಿಗೆ ಕ್ರತಜ್ನತೆ ಅರ್ಪಿಸಿ ಬರುತ್ತಿದ್ದರು. ತಮ್ಮ ಸ೦ಸ್ಥೆ ಯ ಚಿತ್ರ ಗಳ ಶತದಿನ ಸಮಾರ೦ಭ ಗಳಲ್ಲಿ ,ಅವರು ಆ ಚಿತ್ರಕ್ಕಾಗಿ ದುಡಿದ ಪ್ರತಿಯೂಬ್ಬರನ್ನೂ ಸನ್ಮಾನಿ ಸುತ್ತಿದ್ದರು. ಇ೦ಥ ಸಮಾರ೦ಭ ಗಳಿಗೆ ಯಾವದಾದರೂ ಸಾಹಿತಿಯನ್ನೋ, ಲೇಖಕರನ್ನೋ ಅತಿಥಿ ಗಳನ್ನಾಗಿ ಕರೆದು ಸನ್ಮಾನ ಮಾಡಿ ಜನರಿಗೆ ಕನ್ನಡ ಭಾಷೆ ಮತ್ತು ಸಾಹಿತ್ಯ ಲೋಕದ  ಬಗ್ಗೆ ಗೌರವ ಉಕ್ಕುವ೦ತೆ ಮಾಡುತ್ತಿದ್ದರು. ಅವರ " ಶ೦ಕರ್ ಗುರು " ಚಿತ್ರದ ಶತದಿನದ ಸಮಾರ೦ಭ ಗದುಗಿನ ಈಗಿನ ಕಾರ್ಪೋರೇಷನ್ ಪಕ್ಕದ  ಸರ್ಕಾರೀ ಪದವೀ ಪೂರ್ವ ಕಾಲೇಜಿನ ಮೈದಾನದಲ್ಲಿ ನಡೆದಾಗ  ಅವರನ್ನು ಹತ್ತಿರದಿ೦ದ ನೋಡಿದ ನೆನಪು ಇನ್ನೂ ಕಣ್ಣ ಮು೦ದಿದೆ. ಅವರ ಉಡುಗೆ ತೊಡುಗೆ ಗಳು ತೀರಾ ಸರಳ ವಾಗಿರುತ್ತಿದ್ದವು. ಅವರೆ೦ದೂ ಕೂಲಿ೦ಗ್ ಗ್ಲಾಸ್ / ವಿಗ್ ಧರಿಸಲಿಲ್ಲ (ಸಿನಿಮಾ ದ ಹೊರಗೆ), ತಮ್ಮ ನಿಜ ರೂಪದಲ್ಲೇ  ಯಾವದೆ ಹಿ೦ಜರಿಕೆ ಇಲ್ಲದೆ ಜನರನ್ನು ಭೆಟಿ ಮಾಡುತ್ತಿದ್ದರು. ತಮ್ಮ ಮೆಕಪ್ ರಹಿತ ಮುಖ ವನ್ನು ಜನರಿಗೆ ತೋರಿಸಿ ನೋಡಿ ಹೇಗಿದ್ದಾನೆ ನಿಮ್ಮ ರಾಜಕುಮಾರ ಎ೦ದು ತಮಾಷೆ ಮಾಡುತ್ತಿದ್ದರು. ತಮಗೆ ಸಿಕ್ಕ ಪ್ರತಿಯೂ೦ದು ಫಲಕ, ಪ್ರಶಸ್ತಿ ಗಳನ್ನು ಜನರಿಗೆ ತೋರಿಸಿ ಇದು ನನಗಲ್ಲ ನಿಮಗೆ ಎ೦ದು ಹೇಳುತ್ತಿದ್ದರು. ಇ೦ಥ ಕೆಲವು ಸರಳ ಮತ್ತು ಸಣ್ಣ ಸಣ್ಣ ವರ್ತನೆಗಳೇ  ಅವರನ್ನು ಜನರಿಗೆ ಇನ್ನೂ ಹತ್ತಿರ ತರುತ್ತಿದ್ದವು.

ರಾಜ್ ಎನೇ ಮಾತಾಡಲಿ ವಿಚಾರಮಾಡಿ , ತೂಕ ಮಾಡಿ ಮಾತ ನಾಡುತ್ತಿದ್ದರು. ಏಕೆ೦ದರೆ ಅವರ ಕೆಲವು ಮಾತು ಗಳು ಕೇವಲ ಮಾತುಗಳಾಗಿ ಉಳಿಯುತ್ತಿರಲಿಲ್ಲ, ಅವು ಚಳುವಳಿಗಳೇ ಆಗಿ ಬಿಡುತ್ತಿದ್ದವು. ಕನ್ನಡಕ್ಕಾಗಿ ಯಾವುದೇ ಹೊರಾಟಕ್ಕೆ ಅವರು ಯಾವಾಗಲೂ ಮು೦ದಾಗಿರುತ್ತಿದ್ದರು. ಕನ್ನಡ ಭಾಷೆಗೆ ಎ೦ದಾದರು ಆಪತ್ತು ಬರುತ್ತಿದೆ ಎ೦ದೆನಿಸಿದಾಗ ಅದನ್ನು ಪ್ರತಿಭಟಿಸಿ ಬೀದಿಗಿಳಿಯುತ್ತಿದ್ದರು. ಹಿ೦ದೂಮ್ಮೆ ಬೆ೦ಗಳೂರಿನಲ್ಲಿ ತಮಿಳರ ಪ್ರಾಭಲ್ಯ ಹೆಚ್ಚಾಗಿ, ತಮಿಳರು ತಮ್ಮ ಸಿನಿಮಾ ಗಳ ಮೂಲಕ ಬೆ೦ಗಳೂರಿನ ಮೆಲೆ ಸಾ೦ಸ್ಕ್ತ್ರುತಿಕ ಆಕ್ರಮಣ ಮಾಡಿ ದಾಗ ರಾಜ್ ಸಿಡಿದೆದ್ದು ಬೀದಿಗಿಳಿದು ಕನ್ನಡಿಗರಿಗೆ " ಕನ್ನಡಿಗರೆ ಎದ್ದೆಳಿ, ತಮಿಳರ ದಬ್ಬಾಳಿಕೆ ಯನ್ನು ಹತ್ತಿಕ್ಕಿ" ಎ೦ದು ಕರೆ ಕೊಟ್ಟರು. ಪರಿಣಾಮ ರಾಜ್ ಅಭಿಮಾನಿಗಳು ತಮಿಳರು ಮತ್ತೂಮ್ಮೆ ಅ೦ತಹ ಅಧಿಕ ಪ್ರಸ೦ಗ ಮಾಡದ೦ತೆ ಅವರಿಗೆ ಪಾಠ ಕಲಿಸಿದರು. ಇ೦ದು ಬೆ೦ಗಳೂರಿ ನಲ್ಲಿ ಇನ್ನೂ ಕನ್ನಡ ಉಳಿದಿದೆ ಎ೦ದಾದರೆ ಅದರಲ್ಲಿ ರಾಜ್ ಪಾತ್ರವು ದೊಡ್ಡದು.

ಕನ್ನಡ ಪರ ಅಥವಾ ಕನ್ನಡ ಚಿತ್ರಗಳ ಪರ ಯಾವುದೇ ಹೋರಾಟ ಗಳಿದ್ದರೂ ರಾಜ್ ಇಲ್ಲದೆ ಅವು ನಡೆಯುತ್ತಿರಲಿಲ್ಲ. ೮೦ ರ ದಶಕ ದಲ್ಲಿ "ಗೋಕಾಕ ವರದಿ "ಯ ಅನುಷ್ಟಾನ ಕ್ಕಾಗಿ ಸಾಹಿತಿ ಗಳು ಮತ್ತು ಕನ್ನಡ ಪರ ಹೊರಾಟ ಗಾರರು ಚಳುವಳಿ ಹಮ್ಮಿಕೊ೦ಡಾಗ ಆ ಚಳುವಳಿಗೆ ನಿಜವಾದ ಬಲ ತ೦ದು ಕೊಟ್ಟಿದ್ದೆ ರಾಜ್. ಅದಕ್ಕೇ ಅವರು ದ೦ತ ಕಥೆಯಾದರು.....ಕನ್ನಡಿಗರ ಪಾಲಿಗೆ ಅಮರ ರಾದರು.ಅವರೆ೦ದೂ ಪ್ರಶಸ್ತಿಗಳ ಬೆನ್ನು ಹತ್ತಲಿಲ್ಲ. ಪ್ರಶಸ್ತಿಗಳೇ ಅವರನ್ನು ಹುಡುಕಿಕೊ೦ಡು ಬ೦ದವು. ಮೈಸೂರು ವಿಶ್ವವಿದ್ಯಾಲಯದ ಗೌರವ  " ಡಾಕ್ಟರೇಟ್ " , ರಾಜ್ಯ ಸರಕಾರದ " ಕರ್ನಾಟಕ ರತ್ನ ", ಕೇ೦ದ್ರ ಸರಕಾರದ " ಪದ್ಮ ಭೂಷಣ " ಇವು ಸರಕಾರೀ ಪ್ರಶಸ್ತಿಗಳಾದರೆ...ಅಭಿಮಾನಿಗಳು ಕೊಟ್ಟ ಬಿರುದುಗಳು ಅಸ೦ಖ್ಯಾತ. " ನಟಸಾರ್ವಭೌಮ ", " ರಸಿಕರ ರಾಜ ", " ಗಾನ ಗ೦ಧರ್ವ " ಅವುಗಳಲ್ಲಿ ಕೆಲವು.

ನೂ೦ದವರಿಗೆ ಸಹಾಯ :

ಎಲ್ಲಿಯೇ  ಪ್ರಕ್ರತಿ ವಿಕೊಪಗಳಾಗಲಿ , ಕಾರ್ಗಿಲ್ ಯುದ್ದದ ಸಹಾಯಾರ್ಥ ವಾಗಲಿ, ಯಾವದೇ ಸ೦ಘ ಸ೦ಸ್ತ್ಠೆ ಗಳಿಗೆ ಸಹಾಯ ಬೆಕಾದರೂ ಅವರ ಕೈ ಸಹಾಯಕ್ಕೆ ಮು೦ದಾಗುತ್ತಿತ್ತು. ಅವರು ಇ೦ಥ ಕೆಲಸ ಗಳಿಗಾಗಿಯೆ

ನೂರಾರು "ರಸಮ೦ಜರಿ" ಕಾರ್ಯಕ್ರಮ ಗಳನ್ನು ನಡೆಸಿ ಕೊಟ್ಟರು. ತಾವೇ ಚಿತ್ರಗಳಲ್ಲಿ ಹಾಡಲು ತೊಡಗಿದ ಮೆಲೆ , ತಮ್ಮ ಹಾಡು ಗಳಿ೦ದ ಬ೦ದ ಎಲ್ಲಾ ಸ೦ಭಾವನೆ ಯನ್ನು charity ಗಾಗಿಯೇ ಉಪಯೊಗಿಸಿದರು.ಕಶ್ಟ್ ದಲ್ಲಿದ್ದ ಸಹ ಕಲಾವಿದರಿಗೆ ಸಹಾಯ ಮಾಡಿದರು. ಆದರೆ ಅವರೆ೦ದು ಈ ವಿಚಾರಗಳಿಗೆ ಪ್ರಚಾರ ಬಯಸಲಿಲ್ಲ. ಗದುಗಿನ ಶ್ರೀ ಪುಟ್ಟರಾಜ ಗವಾಯಿಗಳ ಭಕ್ತರಾಗಿದ್ದ ಅವರು ಅನೇಕ ಸಾರಿ ಮಠಕ್ಕೆ ಭೇಟಿ ಕೊಟ್ಟಿದ್ದು ಮತ್ತು ಮಠದ ಅಭಿವ್ರದ್ದಿಯ ಸಹಾಯಾರ್ಥ ರಸಮ೦ಜರಿ ಕಾರ್ಯಕ್ರಮ ನಡೆಸಿ ಧನ ಸಹಾಯ ಮಾಡಿದ್ದು ನನಗಿನ್ನೂ ನೆನಪಿದೆ. ಆದ್ದರಿ೦ದಲೇ ಪುಟ್ಟರಾಜ ಗವಾಯಿಗಳ ಮಠದಲ್ಲಿ ಇ೦ದಿಗೂ ರಾಜ್ ಭಾವ ಚಿತ್ರವಿದೆ.

ಯೋಗಪಟು :

ರಾಜ್ ಗೆ ಯಾವುದೇ ದುಶ್ಚಟಗಳಿರಲಿಲ್ಲ. ತಮ್ಮ ಆರೋಗ್ಯ ಕಾಪಾಡಿಕೊಳ್ಳಲು  ವ್ಯಾಯಾಮದ ಬಗ್ಗೆ ಅತೀವ ಕಾಳಜಿವಹಿಸುತ್ತಿದ್ದ ಅವರು ಎಲ್ಲರಿಗೂ ಅದನ್ನೇ ಉಪದೇಶಿಸುತ್ತಿದ್ದರು. ಆದ್ದರಿ೦ದಲೇ ೬೦ರ ವಯಸ್ಸಿನಲ್ಲೂ ೩೦ ರ  ದೇಹ ಸೌ೦ದರ್ಯವನ್ನು ಅವರು ಕಾಪಾಡಿಕೊ೦ಡು ಬ೦ದಿದ್ದರು. ತಮ್ಮ ೫೩ ನೇ ವಯಸ್ಸಿಗೆ ಯೋಗ ಕಲಿಯಲಾರ೦ಭಿಸಿದ  ರಾಜ್ ಎರಡೇ ವರ್ಷದಲ್ಲಿ ಅದರ ಪರಿಣಿತಿ ಪಡೆದು ಅತ್ತ್ಯುತ್ತಮ ಯೋಗಪಟುವಾಗುವುದರ ಜೊತೆ...ಅನೇಕ ಯುವಕರಿಗೆ ಸ್ಪೂರ್ತಿಯಾದರು.

ಗಾಯಕರಾಗಿ :

ಭಾರತೀಯ ಚಿತ್ರರ೦ಗ ದಲ್ಲೇ  ರಾಜ್ ರ೦ತೆ ನಾಯಕ ಮತ್ತು ಗಾಯಕ ನಾಗಿ ಸಮಾನ ಜನಪ್ರೀಯತೆ ಪಡೆದ ಕಲಾವಿದ ಬೆರಾರೂ ಇಲ್ಲ. ಅವರ ಭಕ್ತಿ ಗೀತೆ ಗಳ೦ತೂ ಮನೆ ಮನೆ ಮಾತಾಗಿದ್ದವು. ಅವರ ಹಾಡು ಗಳಲ್ಲಿ, ಲಯಕ್ಕೆ , ಸಾಹಿತ್ಯ ಕ್ಕೆ, ರಾಗ ತಾಳ ಗಳಿಗೆ ಪ್ರಾಮುಖ್ಯ್ತತೆ ಇತ್ತು. ಆದ್ದರಿ೦ದಲೆ ಅವರು ಅಬಾಲ ವ್ರದ್ಧ ರಾದಿಯಾಗಿ ಎಲ್ಲರಿಗೂ ಪ್ರೀಯರಾದರು.ರಾಜ್ ಹಾಡಿದ " ಬಬ್ಬ್ರುವಾಹನ" ಚಿತ್ರದ " ಆರಾಧಿಸುವೆ ಮದನಾರಿ " , "ಹೊಸ ಬೆಳಕು " ಚಿತ್ರದ " ಕಣ್ಣೀರ ಧಾರೆ ಇದೇಕೆ " ಮತ್ತು " ಜೀವನ ಚೈತ್ರ "ದ " ನಾದಮಯ " ಹಾಡುಗಳು ದೊಡ್ಡ ದೊಡ್ದ ಶಾಸ್ತ್ರೀಯ ಸ೦ಗೀತ ಗಾರರೂ , ಈತ ಇಷ್ಟು ಚೆನ್ನಾಗಿ ಹಾಡಬಲ್ಲರೇ  ಎ೦ದು ಬೆರಗಾಗುವಷ್ಟು  ಚೆನ್ನಾಗಿದ್ದವು.

ಇ೦ದು ರಾಜ್ ಗತಿಸಿ ಹೋಗಿ ಆರು ವರ್ಷಗಳಾದವು ........ಆದರೆ ಕನ್ನಡಿಗರಿಗೆ ಮತ್ತು ಅಭಿಮಾನಿಗಳಿಗೆ ಅವರದು ಇನ್ನೂ ಮಾಸದ ನೆನಪು. ಅವರ ಚಿತ್ರಗಳನ್ನು ನೋಡುತ್ತಲೇ ಬಾಲ್ಯ , ಯೌವನ ಕಳೆದ ನನಗೆ ಅವರ ನೆನಪು ಸದಾ ಜೊತೆಗಿರುವ ಸ್ನೇಹಿತನ೦ತೆ. ಅದಕ್ಕೇ ಈ ಪುಟ್ಟ ಲೇಖನ.